UNED Lugo Sin Fronteras

No ciclo de conferencias UNED LUGO SIN FRONTERAS cada ano realizamos unha xornada sobre un país ou grupo étnico.

 

ALBANIA entre a realidade e a ficción. (2019)

Saborear os aromas da cultura cotiá albanesa será o obxectivo desta conferencia. O receptor español goza dunha Albania desde a visión dunha albanesa que leva máis de 10 anos en contacto con españois que visitan, ensinan, escriben e viven en Albania. Desde esta dobre óptica o panorama resulta algo diferente, xa que non se pode atopar nin nas guías turísticas nin na prensa estranxeira sobre Albania. O obxectivo é mergullarse no mundo albanés, sen tratar por esta vez temas políticos, e saborear a súa cultura cotiá.

Relator:

• Dra. Anastasi Prodani Profesora Titular Departamento de Español.Facultade de Linguas Estranxeiras Universidade de Tirana.

 

BELARÚS e exposición fotográfica sobre Chernóbil: 35 anos de exposición continua á radiación. (2021)

Proxecto dedicado á memoria e á reflexión sobre a catástrofe nuclear de Chernóbil. 

- Exposición fotográfica do 7 ao 27 de xuño de 2021 en Centro Asociado de Lugo.

- Xornadas coa participación do Dr José López Riopedre, titor de UNED Lugo, do fotógrafo bielorruso Vladimir SIZ, xornalista da Gaceta Izvestia, e da Dra. Alena Kárpava, coordinadora do proxecto.

Relatores:

• Vladimir Siz Fotógrafo e Xornalista (Belarús).
• Dra. Alena Kárpava Profesora UGR, vogal de educación Centro Unesco de Andalucía, Doutora en Paz, Conflitos e Democracia
• Dr. José López Riopedre Doutor en Socioloxía. Titor con Venia Docendi UNED Lugo.

EXPOSICIÓN-CONFERENCIA: Belarús (Bielorrusia), situación actual. 35 anos de exposición continua á radiación. Chernóbil máis aló de Pripiat.

 

ROMANÍA (2022)

III Edición, este ano dedicado a Romanía.

A selección de Romanía faise en base á enorme importancia que ten este país para nós ao tratarse do epicentro migratorio dirixido a España no século XXI, sendo así que o colectivo de romaneses residindo legalmente en España alcanza xa aproximadamente o millón de persoas, cifra récord na recente historia inmigratoria española. Estamos a falar ademais dunha comunidade, os “rumañoles”, que se acha fortemente asentada e integrada no noso país e iso, a pesar do marcado carácter transnacional que acompaña inicialmente á mobilidade do Leste de Europa.

Son moitos os migrantes romaneses que hoxe viven en España, tamén en Galicia, e que se dedican a infinidade de actividades económicas: sector forestal, hostalería, construción, agricultura intensiva, transporte, servizos de coidado, músicos etc. Desde científicos, artistas e académicos de prestixio internacional ata algúns colectivos marxinais, como é o caso dos romaníes, cuxa realidade así mesmo desexamos abordar nas presentes Xornadas.

Á marxe dos evidentes lazos interculturais que nos unen, e do seu interesantísima historia, Romanía é un país marabilloso que contén unha gran biodiversidade, riqueza ambiental, paisaxística e que mantén antigas tradicións e un rico folclore, a miúdo pouco coñecido para nós.

Finalmente, a guerra en Ucraína engadiu un significado especial ao posuír Romanía máis de 500 kms de fronteira con aquel país. Romanía foi tamén un dos países que recibiu desde o inicio da contenda un maior número de refuxiados.

Relatores:

• Dr. José López Riopedre Coordinador das Xornadas UNED Sen Fronteiras Lugo. Doutor en Socioloxía. Profesor- Titor con Venia Docendi UNED Lugo e UNED Ponferrada. Importancia da comunidade romanesa en España
• Iulia Pricope Enxeñeira pola UPC e #Máster en Estudos Avanzados en Exclusión Social pola UB. A invisibilidade como estratexia: estigma e integración de inmigrantes romaneses en Catalunya.
• Dr. Óscar López Catalán Doutor en Antropoloxía pola UAB.  Responsable do Programa Rroma-Xitanos do Leste en FSG Asturias. Pasado, presente e futuro das migracións rrom en España.
• Liliana Gabor. Auxiliar Axuda a domicilio. Experiencias de romaneses en Lugo.
• Veronica Nicolae Transportista de Monbus. Experiencias de romaneses en Lugo.

 

POLONIA (2023)

IV Edición, esta vez dedicado a Polonia.

Aínda que separados por miles de quilómetros, Polonia e España teñen moito en común, ata tal punto que ás veces se fala dun país como reflexo de espello do outro. É así?, ou é máis ben un espellismo? A xornada ten por obxectivo achegar a este país tan distante, pero á vez algo familiar, desde unha perspectiva enfocada na súa cultura, para que os asistentes poidan sacar as súas propias conclusións.

Relatores:

• Dra. Anna Dulska Historiadora, investigadora no Instituto de Cultura e Sociedade, Universidade de Navarra. Claves históricas para comprender Polonia. Desafíos actuais internacionais e domésticos. O impacto da guerra en Ucraína. Cartografía cultural. Relacións bilaterais hispano-polacas.

 

MOLDAVIA (2024)

Como vén sendo habitual todos os anos no noso ciclo de Xornadas UNED LUGO SEN FRONTEIRAS, trátase de ofrecer unha aproximación á historia e contexto cultural e socio-político dun país ou rexión, neste caso da República de Moldavia, pequena nación, moi pouco coñecida en España e que se atopa nunha localización geo-estratéxica altamente sensible no marco do actual conflito bélico entre Rusia e Ucraína.

Relatores:

• Dr. José López Riopedre Coordinador das Xornadas UNED Sen Fronteiras Lugo. Doutor en Socioloxía. Profesor- Titor con Venia Docendi UNED Lugo e UNED Ponferrada.
• Mariana Iatco Doutora en Ciencias Políticas. Profesora do Departamento de Ciencias Políticas e Administrativas da Universidade de Estado de Moldova. República de Moldova: cara a unha consolidación da democracia e resiliencia social.