Faladoiro Radiofónico Onda ODS “O Futuro é Teu” que vos ofrecemos desde Foz, nas instalacións do CENIMA, o Centro de Interpretación da Mariña.
Un faladoiro no que demos espazo e tempo para falar de comercio, de turismo e, sobre todo, de sustentabilidade, e facémolo desde un concello, o de Foz, que leva o compromiso co desenvolvemento da Axenda 2030 no ADN do organigrama municipal, xa que conta cunha Concellaría específica da Axenda 2030.
Trátase este do segundo faladoiro con persoas expertas que desenvolvemos desde as Emisoras Municipais Galegas, en colaboración coas nosas emisoras asociadas, dentro do proxecto Onda ODS.
Para desenvolver o faladoiro, moderado por Ana Santiago por parte de EMUGA e Anxo Rivas, director de Radio Foz, contouse con tres persoas expertas de recoñecido prestixio no ámbito académico:
-
Paula Fernández Moure, Bióloga Ambiental no Centro Asociado da UNED de Lugo.
-
Lucrezia López, profesora de Análise Xeográfica Rexional do Departamento de Xeografía da Universidade de Santiago de Compostela e directora do Centro de Estudos e Investigacións Turísticas da USC.
-
José Pablo Abeal, profesor na Facultade de Economía e Empresa da Universidade da Coruña, na que ademais é Vicedecano de Prácticas e Empregabilidade.
