DÍA DE EUROPA CON ESTEFANÍA MOLINA
Estefanía Molina é xornalista, politóloga e escritora e está considerada unha voz destacada no ámbito da política e os asuntos internacionais, recoñecida polo seu profundo coñecemento e a súa capacidade para analizar os desafíos e oportunidades que enfronta Europa na actualidade os cales tratou de transmitirnos durante esta conferencia realizada no salón de actos da UNED de Lugo e transmitida en directo a través da nosa canle de youtube o 9 de Maio de 2024.
Nesta conferencia, Estefanía levounos nunha viaxe a través dos principais acontecementos que marcaron a historia recente de Europa e ofreceunos unha visión clara e fundamentada sobre os retos que enfronta o continente nun mundo cada vez máis interconectado e cambiante.
Os temas máis destacados sobre os que nos falou foron; as eleccións ao Parlamento europeo, o futuro da guerra de Ucraína, o auxe da ultradereita ou como cambiará a correlación de forzas entre outras moitas máis cousas.
CONFERENCIA E ENTREVISTA
