RECIVILIZÁNDONOS CON FERNANDO VALLADARES
O 18 de decembro do 2023 na UNED de Lugo tivemos o privilexio de contar coa presenza de Fernando Valladares, que veu presentarnos o seu libro "La Recivilización", o cal se atopa na nosa biblioteca para poder ser leído por quen así o desexe. Nel, o autor revélanos con honestidade e valentía os desafíos e obstáculos aos que temos que enfrontarnos para dirixirnos cara a un novo modelo ecosocial baseado na confianza, a empatía e a colaboración máis que na competencia e na sobreexplotación.
Ditos exemplares foron aportados pola librería Trama de Lugo querendo por en valor desta forma o comercio local.
A presentación tivo lugar no salón de actos da UNED e foi retransmitida en directo no noso canal de Youtube.
A continuación pode verse a entrevista que a nosa directora, Ana Traseira, lle realizou a Fernando Valladares, na cal conversaron sobre os acordos da #COP28, a entidade xurídica dos bens naturais para a súa protección e o valor dos custos ambientais.
Fernando Valladares, doutor en Bioloxía, investigador do Consello Superior de Investigacións Científicas (CSIC) e profesor asociado na Universidade Rey Juan Carlos de Madrid.
